ང་གཟའ་ཉི་མ་རྟག་པར་བོད་ཡིག་སློབ་གྲྭར་འགྲོ་གི་ཡོད། ང་ཨོ་སུ་ཏན་ཏེ་ལ་སྡོད་ཀྱི་ཡོད། དེང་སང་བོད་ཡིག་སློབ་གྲྭ་ལ་སློབ་ཕྲུག་མང་པོ་འདུག་ལ། བོད་ཡིག་སློབ་གྲྭའི་ཁོར་ཡུག་ནི་ཧ་ཅང་མཛེས་ཤིང་མདུན་གྱི་མེ་ཏོག་རྣམས་ཡིད་དུ་འོང་བ། ཞོགས་པ་སློབ་ཕྲུག་རྣམས་ནས་ལུས་ལ་བོད་གོས་གྱོན་བཞིན་ལག་ཏུ་དཔེ་དེབ་ཁྱེར་ནས་འཛུམ་མདངས་དང་བཅས་ཚང་ཁ་ཤིག་ཤིག་གིས་འཛིན་ཁང་ནང་རང་ཉིད་ཀྱི་སྐད་ཡིག་སྦྱང་དུ་བསྐྱོད་བཞིན་པའི་རྣམ་པ་དེ་ངས་མཐོང་དུས་ངའི་སེམས་པར་དགའ་སྣང་ཞིག་སྐྱེས་བྱུང་།
དེང་དུས་ང་ལ་དེ་ལྟ་བུའི་རང་མི་རིགས་ཀྱི་སྐད་ཡིག་སྦྱོང་རྒྱུའི་གོ་སྐབས་བཟང་པོ་ཐོབ་པར་དགའ་སྤོབས་ངང་བོད་ཀྱི་སྐད་ཡིག་དང་ལོ་རྒྱུས་སོགས་ལ་ཧུར་བརྩོན་ལྷོད་མེད་བྱེད་བཞིན་ཡོད། ངའི་རེ་བར་ང་དང་ང་འདྲ་བའི་བོད་ཕྲུག་ཚོས་རང་མི་རིགས་ཀྱི་སྐད་དང་ཡི་གེ་ལ་མཐོང་ཆེན་དང་དེ་སྦྱང་རྒྱུར་སྤྲོ་སྣང་ལྡན་པའི་ཐོག
སྐད་རིགས་སྣ་ཚོགས་ཤེས་ན་བཟང་མོ་ཀྱང་།། རང་གི་ཕ་སྐད་བརྗེད་ན་ངོ་ཚ་ཡིན།།
ཞེས་གསུངས་པ་བཞིན་ང་ཚོའི་རང་མི་རིགས་ཀྱི་བླ་སྲོག་འདི་མི་རབས་ནས་མི་རབས་བར་དུ་ཉམས་དུ་སྲུང་སྐྱོབས་བྱེད་དགོས། ངའི་བསམ་ཚུལ་འདིར་ཀློག་པ་པོ་ཚང་མས་རྒྱབ་སྐྱོར་དང་དོ་སྣང་གནང་བར་བཀའ་དྲིན་ཆེ་ཞུ། །
བསྟན་འཛིན་བྱང་ཆུབ། ཨོ་སུ་ཏན་ཏེ། འཛིན་གྲྭ་དྲུག་པ།