༄༅། ། ཕྱི་ལོ་ ༢༠༢༦ཟླ་བ་ ༠༡ ཚེས་ ༢༤ ཉིན། བྷེལ་ཇམ་བོད་ཀྱི་ཆོས་རིག་འཛིན་སྐྱོང་ཁང་གི་འགན་འཛིན་གཞོན་པ་དབུ་ཞུགས་ཐོག་རྒྱུན་ལས་ལྷན་ཚོགས་དེ་བཞིན་་ཨན་ཐྲུ་ཝེར་པེན་ས་གནས་འཇམ་དབྱངས་བློ་འཕེལ་སློབ་གྲྭར་འཚོག་ནས་འདས་སོང་གི་རྒྱུན་ལས་ཀྱི་གྲོས་ཆོད་ལ་དཔྱད་ཞིབ་དང་། གྲོས་ཆོད་བྱུང་བ་ཁག་གཤམ་གསལ།
༡༽ ༢༠༢༦ ཟླ་བ་ ༠༩ པའི་ཚེས་ ༡ ནང་ཚུད་དུ་རང་གཞུང་ཤེས་རིག་ལས་ཁང་གི་ ༢༠༢༢ ལོར་གཏན་འབེབས་གནང་ཡོད་པ་་གཞིར་བཟུང་སྔོན་འགྲོ་དང་པོ་དང་། སྔོན་འགྲོ་གཉིས་པ། སྔོན་འགྲོ་གསུམ་པའི་སློབ་དེབ་པར་སྐྲུན་བྱ་རྒྱུ་དང་སྔོན་འགྲོ་དང་པོ་དང་། སྔོན་འགྲོ་གཉིས་པ། སྔོན་འགྲོ་གསུམ་པའི་སློབ་དེབ་གསར་པ་དཔར་བསྐྲུན་བྱས་རྗེས་སྔོན་འགྲོའི་དགེ་རྒན་རྣམ་པར་བསམ་ཚུལ་བསྡུ་ལེན་ཐོག་ནང་སྦྱོང་བཟོ་རྒྱུ་དང་འཛིན་གྲྭ་དང་པོ་ནས་བརྒྱད་པ་བར་རང་འཇགས་འཇོག་རྒྱུ། ༢༽ འཛིན་གྲྭ་དྲུག་པ་ནས་བརྒྱད་པ་བར་རིགས་ལམ་གྱི་སློབ་ཚན་འགྲོ་རྒྱུ་དང་། ཡིག་རྒྱུགས་སྤྱིའི་ཡིག་ཚད་ནང་དུ་བརྩི་རྒྱུ་མིན། འཛིན་གྲྭ་བརྒྱད་པ་གཅིག་པུ་སྤྱིའི་ཡིག་ཚད་ནང་དུ་ཡོད། འཛིན་གྲྭ་ལྔ་པ་ནས་བདུན་པ་བར་རིགས་ལམ་གྱི་ཡིག་ཚད་ཀྱི་ལག་ཁྱེར་ལོགས་སུ་འབུལ་རྒྱུ། ༣༽ ཚགས་པར་རྩོམ་བསྡུའི་དུས་ཚོད་ལོ་ཐོ་ནང་དུ་འགོད་རྒྱུ་དང་། སྔོན་འགྲོ་དང་པོ་ནས་སྔོན་འགྲོ་གསུམ་པ་བར་གྱི་སློབ་མས་སློབ་ཕྲུག་རང་ཉིད་ཀྱི་དགའ་ཕྱོགས་དང་བསྟུན་ནས་བོད་ཀྱི་རིག་གཞུང་གི་ཁྱད་ཆོས་ལྡན་པའི་རི་མོ་འབྲི་རྒྱུ། འཛིན་གྲྭ་དང་པོ་ནས་བཞི་བ་བར་གྱི་རང་ཉིད་ངོ་སྤྲོད་ཀྱི་སྐོར་མདོར་བསྡུས་ཙམ་འབྲི་རྒྱུ། འཛིན་གྲྭ་ལྔ་པ་ནས་བརྒྱད་པའི་བར་དུ་རང་ཉིད་ཀྱི་འདོད་མོས་ལྟར་རྩོམ་ཐུང་རེ་འབྲི་རྒྱུ།
༤༽ འགན་འཛིན་ལྷན་ཚོགས་ཕྱི་ལོ་ ༢༠༢༦ ཟླ་ ༦ པའི་ཚེས་ ༢༡ ཉིན་འཚོག་ས་ཨོ་སུ་ཏན་ཏེ་འཚོག་རྒྱུ།
དྲུང་ཆེས་གཙོ་སྐྱོང་བྱ་རྒྱུ།
༥༽ ལོ་འདིའི་ཕྱི་ཟླ་ ༩ ནས། སྤྱི་ཡོངས་ཀྱི་དགེ་རྒན་གྱི་ཐུགས་རྗེ་ལེགས་འབུལ་ཡུ་སྒོར་ ༣༠ དང་
སློབ་དེབ་རིན་གོང་ཡུ་སྒོར་ ༡༥ གཏན་འབེབས་བྱས།
༦༽ དགེ་རྒན་ཟབ་སྦྱོང་ཕྱི་ཟླ་དགུ་པའི་སྔོན་ལ་ངེས་པར་དུ་འཚོག་དགོས།
༧༽ ས་གནས་ཁག་དྲུག་ལ་ཤེས་ཡོན་ཚོགས་ཆུང་སྐོར་བསྐྱོད་དང། དེ་བཞིན་རྒྱུན་ལས་ཡང་རེས་མོས་ཐོག་སྐོར་བསྐྱོད་བྱ་དགོས།
༨༽ དབྱར་གསེང་བོད་ཀྱི་རིག་གཞུང་ཟབ་སྦྱོང་གོ་སྒྲིག་བྱེད་མཁན། ཨོ་སུ་ཏན་ཏེ་དང། སྦུ་རོའུ་རྗེ་ས་གནས་གཉིས་ཡིན། ཕྱི་ལོ་ ༢༠༢༦ ཟླ་ ༤ ཚེས་ ༤ ཉིན་དབྱར་གསེང་ཆེད་ཚོགས་འདུ་འཚོག་དགོས། ཚོགས་འདུ་འཚོག་ས་ཨོ་སུ་ཏན་ཏེ།
༩༽ དགེ་རྒན་བསྟན་འཛིན་ཆོས་དབྱིངས་དང་། བསྟན་འཛིན་བདེ་ཆེན་གཉིས་ས་གནས་གཞན་དག་ལ་དགེ་རྒན་གནང་སར་ཕེབས་གཏན་ཁེལ་སོང་།
༡༠༽ ར་ཉག་དཔལ་སྤྲུལ་རིན་པོ་ཆེ་མཆོག་ལ་བོད་ཀྱི་ལོ་གསར་ལ་འཚམས་འདྲིའི་ཆེད་བཅར་ཞུ་རྒྱུ།
༡༡༽ དགེ་རྒན་ལ་ཟབ་སྦྱོང་སྤྲོད་རྒྱུ་དང་ས་གནས་འགན་འཛིན་གྱིས་ཟབ་སྦྱོང་སྤྲད་པ་བཞིན་ལག་ལེན་བྱེད་ཀྱི་ཡོད་མེད་ལྟ་རྟོག་དང་ ༢༠༢༣ ལོའི་རྒྱུན་ལས་ཀྱི་གྲོས་ཆོད་དགོངས་དོན་བཞིན་དགེ་རྒན་ལྷན་ཚོགས་འཚོག་དགོས།
༡༢༽ རྩིས་པ་བློ་བཟང་བསྟན་འཛིན་ལགས་ཀྱིས་རྩིས་པའི་ཕྱག་ལས་གནང་ནས་ཕན་འབྲས་ཆེན་པོ་བྱུང་བར་ཐུགས་རྗེ་ཆེ་ཞུས་སོང་། གཞན་རྩིས་པ་གསར་པ་ཐབས་མཁས་ལགས་སུ་རྩིས་སྤྲོད་བྱ་རྒྱུ་གཏན་ཁེལ་བཅས་བདེ་ལེགས་ངང་ཚོགས་འདུ་མཇུག་སྒྲིལ།
